عالمی ادارہ صحت کے سربراہ ٹیڈروس اَدہانوم نے امریکہ سے گذارش کی ہے کہ وہ عالمی ادارہ صحت کو فنڈ نہ دینے کے فیصلے پر نظر ثانی کرے۔ اور امید ہے کہ امریکہ ایک بار پھر ڈبلیو ایچ او کو تعاون کرے گا اور لوگوں کی زندگیاں بچانا جاری رکھے گا۔
ڈبلیو ایچ اور کے ڈائریکٹر جنرل نے پریس بریفنگ میں کہا کہ 'امریکہ ہمیشہ سے ڈبلیو ایچ اور کی حمایت کرتا رہا ہے اور ہم اس کی قدر کرتے ہیں'۔
انہوں نے امریکہ کی تعریف کرتے ہوئے کہا کہ ایتھوپیا کی تعمیر و ترقی اور صحت کے نظام کو بہتر بنانے میں امریکہ کا تعاون قابل تعریف ہے۔
محترم ٹیڈروس نے کہا کہ وہ عالمی ادارہ صحت کے سربراہ ہونے کے طور پر اس بات کے چشم دید گواہ ہیں۔
انہوں نے کہا کہ ' میں امید کرتا ہوں کہ امریکہ یقین کرتا ہے کہ یہ ایک اہم سرمایہ کاری ہے نہ محض کسی کی مدد کرنا۔ اس لیے مجھے امید ہے کہ فنڈ کو روکنے سے متعلق امریکہ نظر ثانی کرے گا'۔
خیال رہے کہ گذشتہ ہفتے امریکہ نے عالمی ادارہ صحت کو فنڈ دینے سے انکار کر دیا تھا۔ امریکہ ہر برس 400 سے 500 ملین امریکی ڈالر کا تعاون دیتا ہے۔
