وہائٹ ہاوس کے چیف آف اسٹاف مارک میڈوز کورونا وائرس سے متاثر پائے گئے ہیں۔مقامی میڈیا نے ہفتہ کو یہ معلومات دی۔
سی این این کی رپورٹ کے مطابق مسٹر میڈوز نے بتایا کہ منگل کو ہوئے انتخابات کے بعد انہوں جانچ کرائی جس میں وہ کورونا سے متاثرپائے گئے ہیں۔
سی این این نے سرکاری ذرائع کے حوالے سے بتایا کہ وہائٹ ہاوس کے دو دیگر افسران بھی کورونا سے متاثر پوئے گئے ہیں۔
رپورٹ کے مطابق 61 سالہ میڈوز نے صدر ڈونالڈ ٹرمپ کے ساتھ ان کے خصوصی طیارے ایئر فورس ون میں سفرکیا تھا اور وہ وہائٹ ہاوس میں منعقدہ ایک پارٹی میں بھی بغیر ماسک کے نظرآئے تھے۔
قابل ذکر ہے کہ صدر ٹرمپ اور ان کی اہلیہ ملینیا ٹرمپ کورونا وائرس سے متاثر ہونے کے بعد حال ہی میں صحت یاب ہوئے ہیں۔
