خطے میں کشیدگی کا ذمہ دار امریکہ ہے: کم جونگ ان

گذشتہ دنوں شمالی کوریا نے اقوام متحدہ اور دنیا کو نظر انداز کرتے ہوئے انتہائی خطرناک قسم کے کچھ بیلسٹک میزائلوں کا کامیاب تجربہ کیا تھا، جس کے بعد سے پڑوسی ممالک اور امریکہ سے اس کی کشیدگی میں اضافہ درج کیا جا رہا ہے۔

شمالی کوریا کے سربراہ کِم جونگ اُن نے خطے میں تمام تر کشیدگی کا ذمہ دار امریکہ کو قرار دے دیا ہے۔

دفاع سے متعلق افتتاحی تقریب سے خطاب کے دوران شمالی کوریا کے رہنما حکمراں کم جونگ ان نے جنوبی کوریا پر بھی تنقید کی۔

انہوں نے کہا کہ کوریائی خطے میں فوجی توازن بگاڑنے کی کوششیں خطے کےلیے خطرے کا باعث ہیں۔

خیال رہے گزشتہ دنوں شمالی کوریا نے اقوام متحدہ اور دنیا کو نظر اندزا کرتے ہوئے انتہائی خطرناک قسم کے کچھ بیلسٹک میزائلوں کا کامیاب تجربہ کیا تھا، جس کے بعد سے اس کے پڑوسیوں اور امریکہ کے درمیان کشیدگی بڑھ گئی ہے۔

(یو این آئی)