امریکہ کے ٹکساس صوبے میں سین انٹونیو شہرکے ایک کلب میں اتوار کی رات فائرنگ کے واقعہ میں دو لوگوں کی موت اور پانچ دیگر زخمی ہوگئے۔
سین انٹونیو کے پولیس سربراہ ولیم میک مینوس نے بتایا کہ تقریباَ آٹھ بجے پولیس کو اطلاع ملی کہ کلب میں فائرنگ کی گئی ہے۔ کلب میں میوزک پروگرام چل رہا تھا۔ اسی دوران ایک گروپ یا لوگوں کے مابین تنازعہ بڑھ گیا اور ایک شخص نے بندوق نکال کر فائرنگ شروع کردی۔
انہوں نے بتایا کہ یہ پتہ نہیں چل سکا کہ حملہ آور کسی خاص شخص کو نشانہ بنا رہا تھا یا صرف اندھا دھند فائرنگ کررہا تھا۔ اس دوران سات لوگوں کو گولی لگی جن میں سے دو کی موت ہوگئی اور پانچ دیگر زخمی ہوگئے۔ زخمیوں کو اسپتال میں داخل کرایا گیا ہے۔
میک مینوس نے کہاکہ تمام خبریں ابتدائی اور تبدیل ہونے والی تھیں کیونکہ تفتیش ابھی جاری ہے۔ انہوں نے یہ تصدیق بھی کی کہ پولیس ایک مشتبہ کو تلاش کررہی ہے۔
