کولمبیا میں ٹوپاگا کے گاؤں پناس ڈی اگوئیلا میں کوئلے کی کان میں دھماکے کے نتیجے میں دو افراد ہلاک اور دو زخمی ہوگئے۔
یہ حادثہ گیس کے اخراج سے ہوا ہے۔ ٹوپاگا کے میئر الوارو برّیرا نے بتایا کہ دھماکے میں دو مزدور شدید طور پر جھلس گئے۔ انہوں نے بتایا کہ دھماکے کے بعد راحت اور بچاؤ کا کام شروع کیا گیا۔
دھماکے کی اطلاع ملتے ہی قومی مائننگ ایجنسی کے ارکان، بائیکا پولیس اور سول سیکیورٹی کا عملہ موقع پر پہنچ گیا۔ انہوں نے کہا کہ کاربن ڈائی آکسائڈ زیادہ ہونے کی وجہ سے معائنہ کرتے وقت سانس لینے کے آلات کا استعمال کیا جارہا ہے۔ ہلاک شدگان کی شناخت ہوگئی ہے جن میں ایک کا تعلق کولمبیا اور دوسرے کا تعلق وینزویلا سے ہے۔
