امریکی صدر ڈونلڈ ٹرمپ نے سابق وزیرخارجہ کولن پاول پر سخت نکتہ چینی کرتے ہوئے ان پرعراق جنگ میں امریکہ کو غیرضروری طور پرالجھانے کا الزام لگایا ہے۔
صدر ڈونیلڈ ٹرمپ نے ایک ٹویٹ میں کولن پاول کو انتہائی مغرور گردانتے ہوئے کہا ہے کہ انہون نے امریکہ کو مشرق وسطی کی تباہ کن جنگوں میں الجھا یا اور عراق پر الزام لگایا کہ وہ بڑے پیمانے پر تباہ کن ہتھیارات رکھتا ہے جبکہ عراق کے پاس ایسا کچھ نہیں تھا۔
انہون نے ٹوئٹ میں کہا کہ پاویل ایک اور مغرور شخص ہیں اور ایک دوسرے مغرور جوبائیڈن کو ووٹ دینا چاہتے ہیں۔
واضح رہے کہ کولن پاول کی جانب سے ڈیموکریٹک صدارتی امیدوار جوبائیڈن کی تائید کے اعلان کے بعد امریکی صدر نے ایک بیان میں سابق امریکی وزیر خارجہ کولن پاول پر شدید تنقید کی اور انہیں عراق جنگ کا ذمہ دار ٹھہرایا۔
سابق امریکی صدر جارج ڈبلیو بش کے دور کے امریکی وزیرخارجہ کولن پاول نے دو روز قبل ڈیموکریٹک پارٹی کے صدارتی امیدوار جوبائیڈن کی حمایت کا اعلان کیا تھا
