امریکی صدر ڈونلڈ ٹرمپ کے ہنگامی کورونا وائرس سے متعلق امدادی بل پر دستخط کرنے کےساتھ ہی یہ قانون امریکہ میں نافذ ہو گیا ہے۔ اس کے قبل کورونا وائرس امدادی بل امریکی سینیٹ سے منظور کیا گیا۔
پہلا کورونا وائرس قانون امریکی سینیٹ میں آٹھ کے مقاملے 90 ووٹوں سے منظور کیا گیا۔ یہ قانون کووڈ 19 سے متاثرہ لوگوں کی مفت جانچ، انشورنس، متاثرہ اور متاثرہ کی دیکھ بھال کرنے والوں کے لئے معاوضہ اور چھٹی دینے کا بندوبست کرتا ہے۔
یہ قانون ہنگامی طور پر قانون میں مختلف تبدیلی کر کورونا وائرس سے متاثر لوگوں کی مدد کے لئے تیار کیا گیا ہے۔ کووڈ 19 وباء سے نمٹنے کے لئے امریکی کانگریس کے ذریعہ منظور کیا گیا یہ دوسرا اس قسم کا قانون ہے۔
اس سے قبل امریکی سینیٹ نے 8.4 بلین امدادی پیکیچ کو منظوری دی تھی جو کووڈ 19 کی مفت جانچ، بند ہوئے اسکولز کے بچوں کے لئے کھانا، ویکسین ریسرچ، بیروزگاری کو دور کرنے کے اقدامات اور انفرادی طور پر امریکی ریاستوں میں محکمہ صحت کے لئے امداد کے لئے خرچ کیا جانا تھا۔
واضح ہو کہ امریکہ میں کورونا وائرس سے مرنے والوں کی تعداد 155 تک پہنچ چکی ہے جبکہ سات ہزار سے زائد تصدیق شدہ معاملے سامنے آئے ہیں۔
