امریکی صدر ڈونلڈ ٹرمپ نے عراق میں ایک مہم کے دوران 75 یرغمالوں کی رہائی میں اہم رول اداکرنے والے امریکی فوج کے خصوصی گروپ کے سارجنٹ میجر تھامس پیٹرک پینے کو 'کانگریس میڈل' سے نوازا۔
ٹرمپ نے جمعہ کو وہائٹ ہاؤس میں منعقد ایک تقریب میں سرجنٹ میجر پیٹرک کو اعزاز سے نوازنے سے قبل کہا 'پیٹ آپ نے امریکی فوج کے نعرے 'رینجرز راستے کی رہنمائی کرتے ہیں' کی صحیح طور پر تقلید کرتے ہوئے ایک شاندار مثال پیش کی ہے۔
خیال رہے امریکی فوج کے اسپیشل گروپ کے سارجنٹ میجر پیٹرک نے 22 اکتوبر 2015 کو عراق کے صوبہ کرکک میں 75 مغویوں کی رہائی کے لیے ایک آپریشن کے دوران اہم کردار اداکرتے ہوئے غیر معمولی بہادری کا مظاہرہ کیا تھا۔ اس مہم میں 20 جنگجو بھی مارے گئے تھے۔
اس موقع پر امریکی خاتون اول میلانیا ٹرمپ ، نائب صدر مائیک پینس، وزیر دفاع مارک ایسپر اور امریکی فوج کے متعدد سینئر افسران بھی موجود تھے۔
