ڈونلڈ ٹرمپ کی بیٹی نے سشما کے لیے کیا پغام دیا؟

امریکی صدرڈونلڈ ٹرمپ کی سینئر مشیر اور ان کی صاحبزادی ایوانكا ٹرمپ نے سابق بھارتی وزیر خارجہ سشما سوراج کے انتقال پر افسوس کا اظہار کرتے ہوئے انہیں ’بھارت سمیت پوری دنیا کی خواتین کا چمپئن' بتایا ہے۔

محترمہ ٹرمپ نے ٹویٹ کرکے کہا’’ سوراج کے انتقال سے بھارت نے ایک پرخلوص ،جوشیلا اور فرض شناس اور لوگوں کے سچے خادم کوکھو دیا۔

انہوں نے کہا کہ سوراج بھارت سمیت دنیا بھر کی خواتین کے لئے ایک چمپئن تھیں اور انہیں جاننا ایک اعزاز کی بات تھی‘‘۔

قابل غور ہے کہ مسز سوراج کا منگل کی رات حرکت قلب بند ہو جانے سے انتقال ہو گیا تھا۔ وہ 67 سال کی تھیں۔ وہ نریندر مودی حکومت کے پہلے دور( سال 2014 سے 2019 )کے دوران وزیر خارجہ رہی تھیں۔