امریکی فوج کے لیفٹیننٹ جنرل ایرک کوریلا کو مغربی ایشیا کے لیے اعلیٰ امریکی کمانڈر کے عہدہ کے طور پر نامزد کیا گیا ہے۔ لیفٹیننٹ جنرل ایرک کوریلا نے منگل کو قانون سازوں کو خبردار کیا کہ اگر روس یوکرین پر حملہ کرتا ہے تو اس سے شام سمیت مغربی ایشیا میں بڑے پیمانے پر عدم استحکام پیدا ہونے کا خدشہ ہے۔Russias Ukraine Tension
انہوں نے یہ بھی واضح کیا کہ ایران خطے میں امریکہ اور اتحادیوں کے لیے بدستور بڑا خطرہ بنا ہوا ہے۔
کوریلا نے سینیٹ میں مغربی ایشیا میں اعلیٰ امریکی کمانڈر کے عہدے کے لیے ہونے والی سماعت کے دوران ہاؤس آرمڈ سروسز کمیٹی کو بتایا کہ چین سینٹرل کمانڈ کے علاقے میں اپنی طاقت بڑھا رہا ہے اور وہاں اخراجات بھی بڑھا رہا ہے۔ US General on Russias Ukraine Tension
اس علاقے میں وہ ممالک بھی شامل ہیں جن کی امریکہ کو افغانستان میں شدت پسند سرگرمیوں کے بارے میں خفیہ معلومات اکٹھی کرنے کی ضرورت ہے۔
یہ بھی پڑھیں:
Ukraine Tension: یوکرین نے روس کی جانب سے ممکنہ حملہ کیے جانے کا امریکی دعویٰ مسترد کیا
US on Ukraine Tension: امریکہ کا یوکرین پر حملے کا خدشہ، ستر فیصد فوج تیار
کوریلا نے کہا کہ امریکہ کو چین اور روس کے ساتھ اسٹریٹجک مقابلے کے ایک نئے دور کا سامنا ہے جو صرف ایک جغرافیائی خطے تک محدود نہیں ہے بلکہ سینٹرل کمانڈ کے علاقے تک پھیلا ہوا ہے۔
امریکہ چین کے ساتھ مقابلے کو ترجیح دیتا ہے جو کہ درست فیصلہ ہے لیکن ہمیں مغربی ایشیا، وسطی اور جنوبی ایشیا میں بھی فعال ہونا چاہیے۔
عراق اور افغانستان کی جنگوں کا وسیع تجربہ رکھنے والے کوریلا کا ہاؤس آرمڈ سروسز کمیٹی نے خیرمقدم کیا اور کہا کہ اس عہدے کے لیے ان کے نام پر مہر لگنے کا قوی امکان ہے۔
