روس کے صدر ولادیمیر پوتن اور امریکی صدر ڈونلڈ ٹرمپ نے عالمی وبا کورونا وائرس کے تعلق سے جمعرات کو فون پر بات چیت کی اور اس دوران دونوں نے ایک دوسرے کو دوسری عالمی جنگ کی فتح کی 75 ویں سالگرہ پر مبارکباد دی۔
روسي حکومت کا مرکز تصور کئے جانے والے کریملن نے ایک بیان جاری کر کے یہ اطلاع دی کہ' کورونا وائرس کے سبب پیدا شدہ حالات کے سلسلے میں کی گئی بات چیت میں دو طرفہ تعاون کے مثبت اشارہ ملے ہیں۔ بات چیت میں کورونا وائرس کے سلسلے میں باہمی تال میل کو مزید فروغ دینے پر رضا مندی ظاہر کی گئی'۔
انہوں نے بتایا کہ' امریکہ نے روس کو ا مداد کے طور پر ڈاکٹرز اور سامان بھیجنے کی بھی پیشکش کی ہے'۔
کریملن کے مطابق دونوں رہنماؤں نے اس وقت کے اتحاد کی اہمیت پر زور دیتے ہوئے دوسری عالمی جنگ کی فتح کی 75 ویں سالگرہ پر ایک دوسرے کو مبارک باد بھی دی۔
دونوں رہنماؤں نے بات چیت کے دوران اس بات پر رضامندی ظاہر کی کہ دونوں ملک مل کر اسٹریٹجک استحکام کو یقینی بنانے، عسکریت پسندوں کا مقابلہ کرنے، علاقائی تنازعات کا حل کرنے اور وبا کا مقابلہ کرنے جیسے کئی مسائل پر پیش رفت کر سکتے ہیں ۔
