امریکہ میں پولیس کے ہاتھوں سیاہ فام جارج فلائیڈ کے قتل کے معاملہ پر میناپولس پولیس چیف نے گردن پر گھٹنا رکھنا پالیسی کے خلاف قرار دے دیا۔
میناپولس پولیس چیف نے کہا کہ پولیس آفیسر ڈیریک شاون نے جارج فلائیڈ کی گردن کو دبا کر محکمانہ پالیسی کی خلاف ورزی کی۔
انہوں نے کہا کہ گردن کو گھٹنے سے دبانا پالیسی کا حصہ ہے اور نہ ہی تربیت کا حصہ ہے۔
خیال رہے کہ امریکی شہر میناپولس میں پولیس آفیسر کے ہاتھوں سیاہ فام جارج فلائیڈ کی موت ہوئی تھی۔
سیاہ فام امریکی شہری جارج فلائیڈ کی پولیس کے ہاتھوں ہلاکت کے بعد پورے امریکہ میں مظاہرے کئے گئے تھے۔ اس کے بعد دنیا بھر میں جارج فلائیڈ کو انصاف دلانے کیلئے احتجاج و مظاہرہ کا سلسلہ شروع ہوگیا تھا، جس میں متعدد افراد ہلاک اور زخمی بھی ہوئے تھے۔
(یو این آئی)
