امریکہ کے سابق صدر بارک اوباما نے بدھ کو امریکی صدر پر شدید حملے کئے اور کہا کہ جو خود کے تحفظ کے لئے بنیادی اقدام نہیں اٹھا سکتا، وہ ہم تمام لوگوں کو تحفظ کیسے فراہم کر سکتا ہے۔
فیلاڈیلفیا کے لنکولن فائننشیل فیلڈ کے باہر خطاب کرتے ہوئے اوباما نے کہا کہ وبا کے آٹھ ماہ گزر گئے ہیں، پورے ملک میں معاملات میں مسلسل اضافہ درج کیا جا رہا ہے۔ ڈونلڈ ٹرمپ ہم لوگوں کو تحفظ فراہم نہیں کر رہے ہیں۔ وہ خود کے تحفظ کے لئے بنیادی اقدام نہیں لے سکتے ہیں۔
انہوں نے کہا کہ یہ کوئی ریئلٹی شو نہیں ہے لیکن 'حقیقت' جہاں لوگوں کو اس کے نتائج سے گزرنا پڑے گا، وہ خود کو اس کام کو سنجیدگی سے لینے میں ناکام ثابت ہوئے ہیں۔
انہوں نے کہا کہ میں آپ سے پوچھ رہا ہوں کہ وہ یاد رکھیں کہ یہ ملک کیا ہوسکتا ہے۔ جب ہم ایک دوسرے کے ساتھ عزت اور وقار سے پیش آتے ہیں تو یہ کیسا ہوتا ہے۔
میں آپ سے جو بائیڈن اور کملا ہیرس کی اہلیت پر اعتماد کرنے کی اپیل کرتا ہوں، جن کی رہنمائی میں ملک سیاہ دنوں سے باہر آئے گا اور اسے مضبوط بنانے میں کامیاب ہوگا۔
اوبامہ نے کہا کہ ہم جانتے ہیں کہ وہ چین کے ساتھ کاروبار جاری رکھے ہوئے ہیں کیوں کہ ان کے پاس ایک خفیہ چینی بینک اکاؤنٹ ہے، یہ کیسے ممکن ہے؟ کیا آپ تصور کرسکتے ہیں کہ جب میں انتخاب لڑ رہا تھا تو میرے پاس ایک خفیہ چینی بینک اکاؤنٹ تھا؟
انہوں نے کہا کہ ٹرمپ اپنی مہم میں بائیڈن کو چین سے ہمدردی کے طور پر پیش کرنے کی مہینوں سے کوشش کر رہے ہیں اور بائیڈن کی چینی کمپنیوں کے ساتھ تعلقات بتا رہے ہیں جبکہ ان کے پاس اس کا کوئی ثبوت نہیں ہے۔
ٹرمپ نے بیجنگ کو کورونا وائرس وبائی مرض کا ذمہ دار قرار دیا ہے جس نے رواں سال 220000 امریکیوں کو ہلاک کیا ہے۔ تاہم اوبامہ نے ترقی یافتہ دنیا کے سب سے اونچے درجے میں امریکہ کے سب سے زیادہ انفیکشن اور اموات کی شرح کے لئے ٹرمپ کو پوری طرح ذمہ دار قرار دیا۔
