امریکہ میں کورونا وائرس کے پہلی مرتبہ ایک دن میں ایک لاکھ سے زائد نئے کیسز سامنے آئے ہیں۔ واشنگٹن پوسٹ اخبار نے بدھ کے روز اپنی رپورٹ میں یہ جانکاری دی ہے۔
اخبار نے اپنی رپورٹ میں لکھا امریکہ میں ایک دن میں کورونا کے ایک لاکھ سے زیادہ کیسز سامنے آئے ہیں۔
کنساس ، ٹینیسی ، ورجینیا ، اوکلاہوم ، مونٹانا ، آئیووا ، نارتھ ڈکوٹا ، ساؤتھ ڈکوٹا ، اوہائیو ، نیبراسکا ،منی سوٹا ، انڈیانا اور مغربی ورجینیا سمیت سترہ ریاستوں میں کووڈ۔19 سے متاثر متعدد افراد مختلف اسپتالوں میں داخل ہوئے ہیں۔
امریکہ میں اب تک اس بیماری سے 94،45،000 سے زائد افراد متاثر ہوچکے ہیں اور 2،32،500 سے زیادہ افراد اپنی زندگی گنوا چکے ہیں۔
