امریکی وزیر خارجہ مائیک پومپيو نے اپنے مجوزہ بھارت دورے سے قبل بی جے پی کے 'مودی ہے تو ممکن ہے' کا نعرہ لگاتے ہوئے وزیراعظم نریندر مودی اور اپنے ہم منصب ایس جے شنكر کی تعریف کی۔
امریکہ انڈین بزنس کونسل کی میٹنگ میں پومپيو نے کہا 'ہم بھارت کی نئی حکومت کے ساتھ بات چیت جاری رکھیں گے۔ دنیا اور عوام سے کئے گئے وعدے، اپنے تعلقات کے بارے میں جیسا کہ مسٹر مودی نے اپنی انتخابی مہم میں نعرہ دیا 'مودی ہے تو ممکن ہے' کو مسٹر مودی کس طرح ممکن بناتے ہیں، میں یہ دیکھنا چاہتا ہوں۔ مزید یہ کہ مودی دونوں ممالک کے درمیان اسے کس طرح ممکن بناتے ہیں'۔
انہوں نے کہا کہ 'میں اسی ماہ اپنے بھارت دورے کے دوران مسٹر مودی اور اپنے ہم منصب مسٹر جے شنکر سے ملاقات کو لے کر کافی پرجوش ہوں'۔
انہوں نے وزیراعظم نریندر مودی کی ستائش کرتے ہوئے کہا کہ وہ ایک نئی طرح کی قیادت کی نمائندگی کرتے ہیں۔ ساتھ ہی وزیر خارجہ مسٹر جےشنكر کی تعریف کرتے ہوئے کہا کہ 'میں جانتا ہوں کہ میرے پاس ایک مضبوط پارٹنر ہے'۔
