کووڈ 19 سے میکسیکو میں گذشتہ 24 گھنٹوں کے دوران 490 افراد کی موت ہوئی ہے، جس کے بعد اس جان لیوا وبا سے ہلاکتوں کی مجموعی تعداد 75،439 ہو گئی ہے۔
میکسیکو کی وزارت صحت نے جمعرات کو بتایا کہ 'اسی عرصہ میں 5408 کورونا وائرس کے کیسز سامنے آئے ہیں، جس سے متاثرین افراد کی مجموعی تعداد بڑھ کر 715،457 ہوگئی ہے۔'
میکسیکو میں گزشتہ آٹھ ہفتوں سے کورونا وائرس کے یومیہ کیسز میں کمی واقع ہوئی ہے تاہم اکتوبر میں ایک بار پھر اس وائرس کے پھیلنے کا اندیشہ ظاہر کیا جارہاہے۔
واضح رہے کہ دنیا بھر میں عالمی وبا کورونا وائرس (کوونا-19) کیسز کی تعداد میں مسلسل اضافہ کے پیش نظر متاثرین کی تعداد تین اعشاریہ دو کروڑ سے تجاوز کر گئی۔
یہ بھی پڑھیں: دنیا بھرمیں کورونا وائرس کی تازہ تفصیلات
امریکہ کی جان ہاپکنز یونیورسٹی کے سینٹر برائے سائنس اینڈ انجینئرنگ (سی ایس ایس ای) کی جانب سے جاری اعداد و شمار کے مطابق دنیا میں کورونا وائرس نے 32،048،333 افراد کو متاثر کیا ہے۔
