بائیڈن ٹوکیو اولمپکس پروگرام میں شرکت نہیں کریں گے

امریکی صدر جو بائیڈن 23 جولائی سے ٹوکیو میں ہونے والے سرمائی اولمپکس کے پروگرام میں شریک نہیں ہوں گے۔

وائٹ ہاؤس کی پریس سکریٹری جین ساکی کے مطابق صدر بائیڈن ٹوکیو اولمپکس میں شرکت کے لئے کوئی پروگرام نہیں بنا رہے ہیں لیکن امریکی وفد اولمپک مقابلوں میں حصہ لے گا۔

گزشتہ ہفتے ایک جاپانی اخبار نے اپنی رپورٹ میں بتایا تھا کہ امریکی خاتون اول جل بائیڈن کو بھی اولمپک پروگرام میں شامل کرنے کے لئے تیاریاں جاری ہیں۔ تاہم امریکی عہدیداروں نے جاپان اولمپکس پروگرام میں جل بائیڈن کی شرکت کی تصدیق نہیں کی ہے۔

واضح رہے کہ اس سے قبل 2008 میں اس وقت کے صدر جارج ڈبلیو بش نے بیجنگ اولمپک پروگرام میں حصہ لیا تھا۔

(یو این آئی)