کورونا وائرس کے باعث بھارت میں لاک ڈاؤن کے دوران لوگوں کو صحتمند رہنے کی ترغیب دیتے ہوئے وزیر اعظم نریندر مودی کے ذریعہ ٹویٹر پر شیئر کئے گئے یوگا کے ویڈیو کی ایوانکا ٹرمپ نے تعریف کرتے ہوئے اسے 'لاجواب' قرار دیا ہے۔ ایوانکا ٹرمپ امریکی صدر ڈونالڈ ٹرمپ کی بیٹی اور ان کی سینئر صلاحکار ہیں۔
واضح ہو کہ وزیر اعظم نریندر مودی نے یوگا کا ویڈیو شیئر کرتے ہوئے لکھا تھا کہ ''جب بھی وقت ملتا ہے میں ہفتے میں ایک دو بار یوگا لازمی طور پر کرتاہوں۔
وزیر اعظم نے ٹویٹر پر لکھا تھا کہ یہ جسمانی صحت اور ذہنی تندورستی کے لئے بہت فائدے مند ہے۔ یہ تناؤ اور اضطراب کو بھی کم کرتا ہے۔ آپ کو یوگا کی بہت ساری ویڈیوز انٹرنیٹ پر ملے گی۔ میں انگریزی اور ہندی میں 1-1 ویڈیو شیئر کررہا ہوں۔
ایوانکا نے مودی کے ویڈیو کو ری ٹویٹ کرتے ہوئے لکھا کہ یہ لاجواب ہے۔ شکریہ نریندر مودی۔
ایوانکا نے اپنے والد ڈونلڈ ٹرمپ کے ساتھ فروری میں بھی بھارت کا دورہ کیا تھا۔
امریکہ میں بھارت کے سفیر ترنجیت سنگھ سندھو نے ٹویٹ کیا ہے کہ یوگا دماغ اور جسم کے مابین ہم آہنگی پیدا کرنے میں مدد کرتا ہے۔ علیحدگی کے اس مرحلے کے درمیان وزیر اعظم نریندر مودی ہمیں یوگا کے ذریعہ ساتھ رہنے اور بیدار رہنے کا درس دے رہے ہیں۔
ایک اندازے کے مطابق امریکہ میں تقریبا 30 لاکھ 60 ہزار افراد یوگا کی مشق کرتے ہیں۔ امریکہ میں ہندوستانی سفارتخانے نے پیر سے باقاعدہ آن لائن یوگا پروگرام بھی شروع کردیا ہے۔ رکن پارلیمنٹ ٹم ریان نے منگل کے روز کہا کہ یوگا کرنے سے طویل عرصے تک ان کے ذہن کو بہتر بنانے میں مدد ملی ہے۔
