آئی اے ای اے کی پیر سے 64 ویں سالانہ جنرل کانفرنس

دنیا بھر میں کورونا وائرس نے ہر کام کا انداز تقریبا بدل کر رکھ دیا ہے۔ وائرس کے سبب میٹنگز یا تو منسوخ ہو گئیں یا پھر ورچوئل طور پر منعقد کی جارہی ہیں۔ بین الاقوامی جوہری توانائی ایجنسی کی میٹنگ بھی کچھ اسی طرح سے منعقد ہونے جا رہی ہے۔

بین الاقوامی جوہری توانائی ایجنسی (آئی اے ای اے)کا پیر کے روز ویانا میں سالانہ کانفرنس کے 64 ویں اجلاس کا انعقاد ہونے جارہا ہے۔

اس کانفرنس میں ایجنسی کے صدر اور جنرل کمیٹی کے ممبران کے آئندہ سال کے اجلاس کے لیے انتخاب بھی ہونا ہے جس کے سبب بھی اس کے الگ اہمیت ہے۔

کورونا کی وجہ سے،بیشتر کانفرنس دراصل ورچوئل فارمیٹ میں منعقد کی جارہی ہے جبکہ جسمانی طور سے شریک ہونے والےنمائندوں کی تعداد 171 ممبر ممالک میں سے ہرایک میں دو تک محدودہوگی۔