ہیوسٹن میں پیر کے روز فلائیڈ کے جسد خاکی کو چھ گھنٹوں تک آخری دیدار کے لیے رکھا جائے گا جس کے بعد منگل کے روز انھیں پیئر لینڈ کے ہیوسٹن میموریل گارڈن میں صبح 11 بجے دفنایا جائے گا۔
فلائیڈ کو ان کی والدہ کی قبر کے بغل میں دفنایا جائے گا اور اس وقت ان کے اہلخانہ موجود رہیں گے۔
واضح رہے کہ گزشتہ 25 مئی کو مینیا پولیس کے ایک سفید فام پولیس افسر نے سیاہ فام جارج فلائیڈ کی گردن کو اپنے گھٹنے سے چند منٹ تک بری طرح دبائے رکھا تھا اور دم گھٹنے سے جارج فلائیڈ کی موت واقع ہوگئی تھی۔
جس کے بعد سے ہی امریکی پولیس کے اس متعصبانہ رویے کے خلاف پوری دنیا میں احتجاجی مظاہرے شروع ہوگئے اور نسل پرستی کی مخالفت میں نعرے لگائے گئے۔
اس قبل فلائیڈ کو مینیوپولیس اور رائے فورڈ، شمالی کیرولینا میں خراج عقیدت پیش کیا گیا تھا کیونکہ افریکی نژاد امریکی شخص جارج فلائیڈ کی پیدائش شمالی کیرولینا میں ہوئی تھی۔
