ایکواڈور کی ایک جیل میں قیدیوں کے 2 گروپوں کے درمیان لڑائی ہوئی ہے جس کے نتیجے میں 24 قیدی ہلاک ہوگئے جب کہ 48 قیدی زخمی بھی ہوئے ہیں۔ ایکواڈور کے عہدیداروں نے بتایا کہ ساحلی شہر گوایاکل میں ایک قید خانے میں ہونے والے جھڑپ میں 24 قیدی ہلاک اور 48 مزید زخمی ہوئے۔
ایکواڈور کی جیل سروس کے ایک بیان کے مطابق پولیس اور فوجی آپریشن کے پانچ گھنٹوں کے بعد گوایاکل ریجنل جیل کا کنٹرول دوبارہ حاصل کرنے میں کامیاب ہو گئے۔
گویاس ریاست کے گورنر پابلو اروسمینا نے جیل کے باہر ایک نیوز کانفرنس میں کہا کہ ریاست اور قانون کی موجودگی کو محسوس کیا جانا چاہیے۔
حکام نے بتایا کہ تشدد میں فائرنگ ، چاقو اور دھماکے شامل تھے اور یہ لاس لوبوس اور لاس چونیرس جیل کے گروہوں کے درمیان تنازعہ کی وجہ سے ہوا۔
بنگلہ دیشی شہری کو امریکہ میں 46 ماہ کی قید
جولائی میں ایکوارڈ کی جیل میں کئی پرتشدد واقعات پیش آئے جس کے نتیجے میں 100 سے زائد قیدی مارے گئے تھے۔ فروری میں سب سے خونریزی ہوئی، جب ملک کی تین جیلوں میں بیک وقت ہنگامہ آرائی میں 79 قیدی ہلاک ہوگئے۔
جولائی میں مزید 22 قیدیوں نے سزائے موت میں اپنی جان گنوا دی، جبکہ ستمبر میں ایک قید خانہ پر ڈرون سے حملہ کیا گیا جس میں کوئی جانی نقصان نہیں ہوا۔
