امریکہ کے ہوٹل میں آتشزدگی

امریکی ریاست منی سوٹا کے منی پولس میں ایک ہوٹل میں آتشزدگی کے واقعہ کے بعد ارد گرد کے تقریباً 250 لوگوں کو باہر نکالا گیا جبکہ تین افراد کو بے ہوشی کی حالت میں ہسپتال میں داخل کرایا گیا۔

امریکی میڈیا رپورٹس کے مطابق سہ منزلہ ہوٹل فرانسس ڈریک کی عمارت میں آگ لگ گئی۔ واقعہ کے فوراً بعد سکیورٹی کے پیش نظر ارد گرد رہنے والے تقریباً 250 لوگوں کو دوسری جگہ لے جا کر ٹھہرایا گیا۔
فائر بریگیڈ کے ایک افسر نے بتایا کہ حادثہ کے دوران بیہوش ہونے والے تین افراد کو ہسپتال میں داخل کرایا گیا ہے جبکہ سات افراد کا موقع پر ہی علاج کیا گیا۔
ہوٹل میں آتشزدگی کی وجوہات کا ابھی پتہ نہیں چل پایا ہے۔