امریکی صدر ڈونلڈ ٹرمپ نے ایک اہم ریاست جارجیا میں اپنی سیاسی سرگرمیاں پھر سے شروع کر دی ہیں۔ جہاں پانچ جنوری 2021 کو دو سینیٹرز کے لیے انتخابات ہونے ہیں۔
ڈونلڈ ٹرمپ نے ہفتے کے روز ہونے والی اپنی ریلی کو ری پبلکن سینیٹرز کی تشہیر اور ان کی کامیابی کے لئے شروع کیا۔
ری پبلکن پارٹی کی جانب سے سینیٹ کے لیے امیدوار کیلی لوفلر اور ڈیوڈ پیریڈو سرگرم ہوگئے ہیں۔
ٹرمپ نے صدر کے انتخاب کے بعد پہلی ریلی میں جمع ہونے والے بڑے ہجوم کو بتایا 'آپ کو معلوم ہے کہ ہم نے جارجیا میں فتح حاصل کی، اسی طرح آپ سمجھ گئے ہیں'۔
ٹرمپ نے کہا کہ انہوں نے جارجیا کا سفر دونوں ری پبلکنز کی کامیابی کو یقینی بنانے میں مدد کے لئے کیا جو شائد امریکی تاریخ میں سینیٹ کے سب سے اہم امیدوار ہیں۔
مزید پڑھیں: ری پبلیکن پارٹی کے کانگرس اراکین اب بھی بائیڈن کو صدر ماننے تیار نہیں!
ری پبلکن کو اپنی سینیٹ کی اکثریت برقرار رکھنے کے لئے اس ریاست کی فتح کی ضرورت ہے۔
