ٹرمپ کے آج ڈسچارج ہونے کی امید

امریکی صدر ڈونلڈ ٹرمپ جب سے کورونا سے متاثر ہوئے ہیں امریکہ سمیت دنیا بھر میں اس سلسلے میں مختلف قسم کی قیاس آرائیاں کی جا رہی تھیں، لیکن اب جب کہ ڈاکٹروں کی ٹیم نے کہا ہے کہ ان کی حالت بہتر ہے، تو ایسے میں ہر طرح کی قیاس آرائیوں سے انکار کیا جا سکتا ہے۔

امریکی صدر ڈونلڈ ٹرمپ کے ڈاکٹروں کی ٹیم کا کہنا ہے کہ وہ کورونا مثبت تشخیص کے بعد بہتر کارکردگی کا مظاہرہ کر رہے ہیں اور وہائٹ ہاؤس میں اپنا علاج جاری رکھنے کے لئے پیر کے اوائل ہی انہیں ڈسچارج کیا جا سکتا ہے۔

پلمونری کے ماہر ڈاکٹر برائن گیربلدی نے کہا کہ 'صدر نے کل شام ریمدیسویر کی اپنی دوسری خوراک مکمل کی۔ انہوں نے انفیوژن کو اچھی طرح سے برداشت کیا ہے۔ ہم کسی بھی ممکنہ سائڈ افیکٹ کی نگرانی کر رہے ہیں اور فی الحال کوئی سائڈ افیکٹ نہیں ہے'۔

انہوں نے کہا کہ 'ان کے جگر اور گردے کا فنکشن معمول پر ہے اور ہم ریمدیسویر کے پانچ روزہ کورس کا ارادہ رکھتے ہیں۔ عارضی طور پر کم آکسیجن کے سبب ہم نے ڈیکسامیتھاسن تھراپی کا آغاز کیا تھا انہیں کل اس کی پہلی ڈوز دی گئی ہے اور ہمارا منصوبہ یہ ہے کہ ہم اسے ایک وقت تک جاری رکھیں'۔

گیربلدی نے بتایا کہ 'آج وہ خیریت سے ہیں اور اگر وہ آج بھی اسی طرح بہتری محسوس کرتے ہیں تو۔ ہمیں امید ہے کہ ہم جلد سے جلد کل انہیں ڈسچارچ کر سکتے ہیں، تاکہ وہ وہائٹ ہاؤس میں وہ اپنا علاج معالجہ جاری رکھ سکیں'۔