امریکی ریاست مشی گن میں فورڈ پروڈکشن پلانٹ کے دورے کے دوران صحافیوں کے ایک سوال کے جواب میں مسٹر ٹرمپ نے کہاکہ' ہم مصیبت سے باہر آ رہے ہیں۔ ہم ملک کو بند نہیں کر رہے ہم مصیبت سے باہر آرہے ہیں' انہوں نے کہاکہ ایک مستقل لاک ڈاؤن صحت مند ریاست یا صحت مند ملک کی حکمت عملی نہیں ہے۔
ملک کو بند کرنے کا ہمارا کوئی مطلب نہیں ہے صدر نے کہاکہ کبھی نہ ختم ہونے والا لاک ڈاؤن ایک عوامی صحت کی آفت کو دعو ت دےگا۔
اپنے لوگوں کی صحت کی حفاظت کے لئے ہمارے پاس ایک کاروباری معیشت ہونی چاہئے'۔
قابل ذکر ہے کہ امریکہ کی 50 ریاستوں نے اپنی معیشتوں کو رفتار دینے کے مقصد سےکورونا وائرس لاک ڈاؤن کی پابندیوں میں نرمی دینے کی منصوبہ بندی کا اعلان کیا ہے۔
ماہرین صحت نے سردی کے موسم میں وائرس کی دوسری لہر آنے کا امکان کو لے کر خبردار کیا ہے۔ امریکہ میں ابھی تک ڈیڑھ لاکھ لوگ اس وبا سے متاثر ہیں اور 90 ہزار افراد کی موت ہو چکی ہے۔ بیماریوں کے کنٹرول اور روک تھام کے مرکز کے مطابق جون کے آغاز تک ملک میں کورونا وائرس سے مرنے والوں کی تعداد ایک لاکھ تک پہنچنے کا امکان ہے۔
