بین الاقوامی ذرائع کے حوالے سے ملی اطلاعات کے مطابق بیجنگ کی جانب سے کیے گئے اعلان میں ڈبلیو ایچ او کو تین کروڑ امریکی ڈالر کے اضافی امداد کا اعلان کیا گیا ہے۔
امریکی صدر ڈونلڈ ٹرمپ نے ڈبلیو ایچ او پر الزام عائد کیا تھا کہ ڈبلیو ایچ او کورونا وائرس کے بحران کو سنبھالنے میں ناکام رہا ہے اور چین کو لے کر اس کا رویہ جانبدارانہ رہا ہے۔
اب چین نے عالمی ادارہ صحت کو تین کروڑامریکی ڈالر کے اضافی مدد کا اعلان کیا ہے، چین نے یہ اعلان امریکی صدر ڈونلڈ ٹرمپ کی جانب سے ڈبلیو ایچ او کو دیے جانے والے فنڈ پر پابندی لگائے جانے کے ایک ہفتے کے بعد کیا ہے۔
واضح رہے کہ امریکہ کی جانب سے ڈبلیو ایچ او کو سب سے زیادہ فنڈ ملتا رہا ہے، لیکن گزشتہ ہفتے صدر ٹرمپ نے اس فنڈ پر روک لگا دی تھی۔
