امریکہ میں صدارتی انتخاب کے آخری مباحثے کے دوران ریپبلیکن امیدوار اور صدر ڈونلڈ ٹرمپ نے دعویٰ کیا کہ کورونا ویکسین جلد ہی دستیاب ہوگی اور لوگوں کو فراہم کرائی جائے گی، اس کے لئے مختلف کمپنیوں کے ساتھ بات چیت کی جا رہی ہے۔
امریکہ میں صدارتی انتخاب کے متعلق آج آخری مباحثے میں شرکت کرتے ہوئے امریکی صدر نے کہا کہ ہم لوگ کورونا کے ساتھ جینا سیکھ رہے ہیں اور اس کے علاوہ ہمارے پاس کوئی متبادل نہیں ہے۔
انہوں نے کہا کہ ہم لوگ خود کو قید نہیں کر سکتے ہیں، اسکولوں کو بھی کھولے جانے کا منصوبہ تیار کر لیا گیا ہے۔
ڈیموکریٹک امیدوار جو بائیڈن نے امریکی صدر پر الزام عائد کرتے ہوئے کہا کہ ان کے پاس کورونا وبا سے مقابلے کے لئے کوئی منصوبہ نہیں ہے۔ انہوں نے کہا کہ جو کورونا بحران کو قابو نہیں کر سکا، وہ صدر رہنے کے لائق نہیں ہے۔ ہمارے پاس لوگوں کو نہیں کورونا کو قابو کرنے کا منصوبہ ہے۔
بائیڈن نے صدر پر تنقید کرتے ہوئے کہا کہ ہم لوگ کورونا کے ساتھ جینا سیکھ رہے ہیں؟ ہم لوگ اس کے ساتھ مر رہے ہیں۔ میں ملک میں تالہ بندی نہیں وائرس کو قابو میں کروں گا۔
جوبائیڈن نے صدر پر حملہ آور ہوتے ہوئے کہا کہ امریکی صدر نے چین میں پیسے بنائے ہے اور ان کا وہاں اکاؤنٹ ہے، جس کے جواب میں ٹرمپ نے کہا کہ وہ صدر بننے سے پہلے ایک تاجر تھے، اس لئے وہ لسٹیڈ اکاؤنٹ ہے۔
گلوبل وارمنگ کا ذکر کرتے ہوئے ڈونلڈ ٹرمپ نے کہا کہ بھارت چین اور روس کی ہوا آلودہ ہے۔
