بائیڈن انتظامیہ نے امریکی فیڈرل عدالت پر زور دیا ہے کہ وہ کینیڈا کے تاجر طہور رانا کی حوالگی کی بھارت کی درخواست کی توثیق کرے اور بتائے کہ رانا سنہ 2008 کے ممبئی دہشت گردی حملے میں ملوث رہا ہے۔ بھارت نے طہور رانا کو امریکہ سے حوالگی کا مطالبہ کیا ہے۔
امریکی معاون اٹارنی جان جے لولجن نے لاس اینجلس میں امریکی عدالت کے سامنے کہا کہ 59 سالہ رانا بھارت کے حوالے کرنے کے تمام معیارات کو پورا کرتا ہے۔ رانا پر ممبئی دہشت گرد حملے میں مقدمہ چلایا جانا ہے۔ اس سے قبل 4 فروری کو رانا کے وکیل نے ان کی حوالگی کی مخالفت کی تھی۔
لولجن نے پیر کو 61 صفحات پر مشتمل عدالت میں درخواست جمع کروائی۔ انہوں نے کہا کہ لاس اینجلس میں امریکی ڈسٹرکٹ کورٹ کے جج جیکلین چولجین نے 22 اپریل کے لئے حوالگی کی سماعت مقرر کردی ہے۔
