پیرو میں موٹر بوٹ اور جہاز کی ٹکر سے 20 ہلاک، 50 لاپتہ

بچے ہوئے مسافروں میں سے ایک نے صحافیوں سے کہا کہ ٹکر ہونے سے قبل اس نے ایک کشتی کو اپنے جہاز کی جانب آنے کی بات سنی تھی۔ ٹکر کے وقت کئی مسافر سورہے تھے۔

پیرو کے لوریٹو کے امیزونین علاقے میں ہوالگا ندی میں ایک موٹر بوٹ اور جہاز کی ٹکر کے سبب 20 سے زیادہ لوگوں کے مارے جانے کا خدشہ ہے اور 50 سے زیادہ افراد لاپتہ ہیں۔

آر پی پی ریڈیو اسٹیشن نے اس کی اطلاع دی۔ یہ حادثہ گھنے کہرے کے سبب پیش آیا، جب ایک موٹر بوٹ نے ایک مسافر جہاز کو ٹکر ماردی۔ اس وقت جہاز پر تقریباً 80 مسافر سوار تھے۔

بچے ہوئے مسافروں میں سے ایک نے صحافیوں سے کہا کہ ٹکر ہونے سے قبل اس نے ایک کشتی کو اپنے جہاز کی جانب آنے کی بات سنی تھی۔ ٹکر کے وقت کئی مسافر سورہے تھے۔

بحریہ کی ایک ٹیم متاثرین کو بچانے کے لئے بڑے پیمانے پر مہم چلارہی ہے۔

(یو این آئی)