لیبیا میں منگل کے روز کورونا وائرس (کووڈ 19) کی وبا کے 40 نئے معاملے سامنے آئے ہیں، جس سے ملک میں متاثرہ افراد کی تعداد بڑھ کر 802 ہوگئی ہے۔
لیبیا کے نیشنل سینٹر فار ڈسیز کنٹرول نے آج ایک بیان میں کہا ہے کہ 704 مشتبہ افراد کے نمونے لیے گئے تھے، جن میں 40 افراد کورونا مثبت پائے گئے ہیں۔ ملک میں اب تک 206 افراد اس مرض سے شفایاب ہو چکے ہیں اور 23 افراد کی موت ہوچکی ہے۔
ملک میں کووڈ 19پھیلنے کے پیش نظر حکام نے ملک کی سرحدوں ، اسکولوں اور مساجد کو بند کردیا ہے اورعوامی تقریبات پر پابندیاں اور کرفیو نافذ کردی ہیں۔
خیال رہے لیبیا میں کورونا وائرس کا پہلا کیس مارچ میں ملا تھا اور پہلی موت اپریل میں ہوئی تھی۔
