صومالیہ: الشباب کے ایک درجن سے زائد شدت پسند ہلاک

فوج کی جوابی کارروائی میں 16 شدت پسند ہلاک اور 20 زخمی ہوئے ہیں۔ کمانڈر احمد نے کہا کہ ان کی فوج ان شدت پسندوں کی تلاش کررہی ہے، جو جنگل میں بھاگ گئے ہیں۔

افریقی ملک صومالیہ کے وسطی شبیلی علاقے میں سلامتی دستوں نے شدت پسند تنظیم 'الشباب' کے 16 شدت پسند کو ہلاک کرنے کا دوعوی کیا ہے۔ اس دوران فوج کے 4 اہلکاروں کے ہلاک ہونے کی اطلاع ہے۔

صومالیہ کی نیشنل آرمی کی یونٹ 27کمانڈر احمد محمد محمد نے صحافیوں کو بتایا کہ شدت پسندوں نے حاجی علی علاقے میں جمعہ کی دیررات سلامتی دستوں کے ایک اڈے پر حملہ کیا تھا، جس کے بعد جوابی کارروائی کرتے ہوئے فوج نے شدت پسندوں کو ہلاک کر دیا۔

انھوں نے بتایاکہ فوج کی جوابی کارروائی میں 16 شدت پسند ہلاک اور 20 زخمی ہوئے ہیں۔ کمانڈر احمد نے کہا کہ ان کی فوج ان شدت پسندوں کی تلاش کررہی ہے، جو جنگل میں بھاگ گئے ہیں۔

دریں اثنا 'الشباب' نے دعوی کیا ہے کہ اس کے جنگجوں نے فوج کے ٹھکانے پر حملہ کرکے پانچ جوانوں کو ہلاک کردیا، ساتھ ہی فوج کی دوگاڑیاں، بندوقوں اور گولہ بارود بھی اپنے قبضہ میں کرلیا۔