جنوبی افریقہ کے صدر سیرل رامفاوسا نے کورونا ویکسین کی دونوں خوراک لے چکے ہیں، اس کے باوجود وہ اس مہلک وائرس کی زد میں آچکے ہیں۔
اتوار کو صدر کے دفتر سے جاری کردہ ایک بیان میں کہا گیا ہے صدر سیرل رامافوسا بروز اتوار 12 دسمبر 2021 کو کورونا وائرس سے متاثر S African President tests positive for COVID پائے گئے۔ ان میں کووڈ-19 کی ہلکی علامات ہیں، جن کا وہ علاج کر ارہے ہیں‘‘۔
وہیں وزیر اعظم نریندر مودی نے پیر کو جنوبی افریقہ کے صدر سیرل رامافوسا کو کووڈ سے جلد صحت یاب ہونے کی دعا کی۔ پی ایم مودی نے ٹویٹ کیا، "میرے دوست، صدر سیرل رامافوسا آپ کی جلد صحت یابی کے لیے دعا گو ہوں۔"
صدر کے دفتر سے جاری بیان میں بتایا گیا کہ رامافوسا نے اتوار کو سابق نائب صدر ایف ڈبلیو ڈی کلرک کے اعزاز میں ہونے والی تقریب میں شرکت کے بعد طبیعت ناساز محسوس کی۔ کووڈ-19 سے متاثر ہونے کے باوجود صدر کی حالت ٹھیک ہے۔
یہ بھی پڑھیں:
Covid Omicron Variant: جنوبی افریقہ کو اومیکرون سے نمٹنے کے لیے مزید فنڈ کی ضرورت
بیان میں کہا گیا ہے کہ صدر مکمل طور پر ویکیسینیٹیڈ ہیں اور کیپ ٹاؤن میں آئیسو لیشن میں ہیں۔ انہوں نے اگلے ہفتے کے لیے تمام ذمہ داریاں نائب صدر ڈیوڈ مبوزا کو سونپ دی ہیں۔
صدر نے مغربی افریقی ریاستوں بشمول نائیجیریا، کوٹ ڈی آئیوری، گھانا اور سینیگال کا اپنا دورہ بھی مکمل کیا۔ ایوان صدر نے کہا کہ ان کا اور جنوبی افریقی وفد کا کوویڈ 19 کے لیے تمام ممالک میں ٹیسٹ کیا گیا۔
8 دسمبر کو جوہانسبرگ واپسی پر رامافوسا کا ٹیسٹ بھی منفی آیا۔ صدر نے کہا کہ ان کا اپنا انفیکشن ملک کے تمام لوگوں کے لیے احتیاط کے طور پر کام کرتا ہے اور انھوں نے لوگوں سے ویکسین لگوانے کی اپیل بھی کی۔
