سینیگال میں جمعرات کے روز اپوزیشن لیڈر کی گرفتاری کے بعد دارالحکومت ڈاکار سمیت دیگر شہروں میں مظاہرین اور پولیس کے مابین پرتشدد جھڑپیں ہوئیں جس میں لوٹ مار، توڑپھوڑ اور فائرنگ کے واقعات پیش آئے۔
سینیگال کی مقامی میڈیا کے مطابق اپوزیشن لیڈر عثمان سونکو کی گرفتاری کے بعد جمعہ کو ہوئے تشدد میں مرنے والے افراد کی تعداد چار ہوگئی ہے۔
سینیگال کے وزیر داخلہ انٹونی فیلکس عبد الدیووم نے کہا کہ قانون و انتظام کی خلاف ورزی کرتے ہوئے تخریب کاری اور تشدد کرنے والوں کی جواب دہی طے کی جائے گی اور ان کے خلاف کارروائی کی جائے گی۔
وزیر داخلہ ڈیووم نے تشدد میں مہلوکین کے اہل خانہ سے اظہار تعزیت کیا ہے۔
