اس اجلاس میں سوڈان کی تازہ سیاسی صورت حال پر غور کیا جائے گا۔
العربیہ کے مطابق، جمعرات کے روز امریکہ اور پانچ یورپی ممالک نے جمعہ کی شام سوڈان کی صورت حال پر سلامتی کونسل کا بند کمرہ اجلاس طلب کیا۔
سلامتی کونسل کا اجلاس ایک ایسے وقت میں طلب کیا گیا ہے جب کل جمعرات کو سوڈان میں ایک ڈرامائی پیش رفت میں فوج نے صدر عمر البشیر کو عہدے سے ہٹانے کے بعد انہیں گرفتار کر لیا ہے۔
فوج نے ایک ملٹری کونسل تشکیل دی ہے جو دو سال تک عبوری طور پر ملک میں حکومت چلائے گی۔
سفارت کاروں کا کہنا ہےکہ سلامتی کونسل کا اجلاس امریکہ، فرانس، برطانیہ، جرمنی، بیلجیم اور پولینڈ کی درخواست پر بلایا گیا ہے۔
