نائجیریا ساحل سے یرغمال 18 بھارتی رہا

ہانگ کانگ کے ایک جہاز سے نائجیریا کے ساحل سے سمندری لٹیروں کے ذریعہ اغوا کیے گئے 18 بھارتیوں کو رہا کر دیا گیا ہے۔ اس جہاز کو 3 دسمبر کو ہائی جیک کر لیا گیا تھا۔

نائجیریائی ساحل کے قریب سمندری لٹیروں کے ذریعہ ہانگ کانگ کے جہاز سے اغوا کیے گئے 18 بھارتیوں کو رہا کر دیا گیا ہے۔ نائجیریا میں بھارتی ہائی کمیشن نے اتوار کو یہ معلومات دی۔

سمندری واقعات پر نظر رکھنے والی ایجنسی اے آر ایکس میری ٹائم کے مطابق 3 دسمبر کو سمندری لٹیروں نے جہاز پر قبضہ کر لیا تھا اور اس میں سوار 19 افراد کو اغوا کر لیا گیا تھا۔ ان میں 18 بھارتی تھے۔

نائجیریا میں تعینات بھارتی ہائی کمیشن نے ٹویٹ کرکے بتایا کہ نائجیریائی نیوی اور جہاز کی کمپنی نے 18 بھارتی شہریوں کی رہائی کی تصدیق کر دی ہے۔

ان شہریوں کو 3 دسمبر کو ایمٹی نیو کانسٹیلیشن نامی جہاز سے اغوا کیا گیا تھا۔ ذرائع کا کہنا ہے کہ بھارتیوں کے اغوا کے بعد بھارتی ہائی کمیشن نے نائجیریا کی ایجنسیوں سے مدد کرنے کو کہا تھا۔