سوڈانی فوج نے منگل کو کچھ فوجی افسران کے تختہ پلٹنے کی کوششوں کو ناکام بناتے ہوئے ٹینکوں کی مدد سے پارلیمنٹ کے اطراف کی کئی سڑکوں پر اپنی نگرانی بڑھادی ہے۔ المیادین براڈکاسٹنگ نے عبوری کونسل کے ترجمان کے حوالے سے آج یہ اطلاع دی۔
ترجمان نے نام ظاہر نہ کرنے کی شرط پر بتایا کہ صورتحال کنٹرول میں ہے۔ انہوں نے سوڈان کے عوام سے بغاوت کی ممکنہ کوششوں کے خلاف مزاحمت کرنے کا بھی مطالبہ کیا۔ المیادین کے مطابق فوج نے بغاوت کے سازشیوں کو حراست میں لیتے ہوئے پارلیمنٹ کی عمارت کے قریب عمدرمن پل پر ٹینک تعینات کر کے سیکورٹی بڑھا دی ہے۔
سوڈان کے ایک اعلیٰ فوجی ذرائع نے آج تصدیق کی کہ ملک میں فوجی بغاوت کی کوششیں ناکام بنا دی گئی ہے۔
- مزید پڑھیں:سوڈان: مختلف قبائل کے درمیان بھیانک تشدد
انہوں نے بتایاکہ بغاوت کی تیاریاں کافی عرصے سے جاری تھیں لیکن فوج کے انٹیلی جنس نے ان افسران پر طویل عرصے سے نظر رکھنا شروع کر دیا تھا جو بغاوت کی کوشش کرنے والے تھے۔ وہ ایک طویل عرصے سے فوجی نگرانی میں تھے اور انہیں تختہ پلٹنے کےمقصد سے یہ قدم اٹھایا۔ انہیں منگل کو حراست میں لے لیا گیا۔
یو این آئی
