لییبا کے ساحل کے قریب جمعرات کی شام پناہ گزینوں سے بھری ایک کشتی بحیرۂ روم میں غرقاب ہوگئی، جس کے نتیجے میں 150 افراد کی ہلاکت کا اندیشہ ظاہر کیا جا رہا ہے۔
لیبیا میں کشتی حادثہ، درجنوں ہلاک
یو ایچ سی آر کے مطابق اس حادثے میں تقریباً 150 افراد کو مقامی ماہی گیروں نے بچا لیا ہے۔
یہ کشتی لیبیا کے دارالحکومت تریپولی سے تقریباً 120 کلو میٹر دور ایک شہر سے نکلی تھی، لیکن جلد ہی حادثے کا شکار ہو گئی۔
اس سے قبل رواں برس مئی میں تیونس کے ساحل کے نزدیک بھی ایک کشتی غرقاب ہونے کی وجہ سے کم از کم 65 افراد ہلاک ہوئے تھے۔
ہزاروں تارکین وطن ہر برس بحیرہ روم پار کرنے کی کوشش کرتے ہیں، ان میں اکثر لیبیا کے ہوتے ہیں۔
یہ تارکین وطن بسا اوقات کمروز اور قدیم کشتی کا استعمال کرتے ہیں، جس کے سبب اکثر وہ حادثے کا شکار ہو جاتے ہیں۔
