ممبئی: بگ باس سیزن 16 کی ٹرافی ایم سی اسٹین کے نام ہو گئی ہے۔ بستی کے مشہور ریپر ایم سی اسٹین نے بگ باس کی ٹرافی جیت لی ہے۔ اسٹین کی جیت کے ساتھ ہی شیو ٹھاکرے اور پرینکا چاہر چودھری کا بگ باس 16 کا فاتح بننے کا خواب پورا نہیں ہوا۔ شیو ٹھاکرے فرسٹ رنر اپ رہے، جب کہ پرینکا چاہر چودھری سیکنڈ رنر اپ رہیں۔
اس سیزن میں یہ پہلی بار ہوا ہے کہ جب تمام قیاس آرائیوں پر پانی پھر گیا ہو۔ ایک طرف پرینکا چاہر چودھری اور دوسری طرف شیو ٹھاکرے کے بارے میں قیاس آرائیاں کی جا رہی تھیں کہ وہ فاتح بن سکتے ہیں، لیکن تمام قیاس آرائیاں غلط ثابت ہوئیں۔ ایم سی اسٹین کی زبردست فین فالوونگ نے انہیں فاتح بنا دیا۔ وہ شو میں واحد تھے جو خاموشی سے فائنل اور ٹرافی کو اپنے نام کیے۔
ایم سی اسٹین کا بگ باس 16 کا سفر مختلف رہا۔ کبھی وہ پرسکون تو کبھی فعال نظر آئے۔ اسٹین کی ایک خوبی جو ان کے مداحوں کو بہت پسند آئی وہ یہ کہ انہوں نے آخر تک دوستی اور دشمنی دونوں نبھائی۔ شو میں ان کی ارچنا سے بالکل نہیں بنی تو انہوں نے آخر تک ان سے بات نہیں کی۔
ایم سی اسٹین نے بگ باس 16 کی انعامی رقم میں 31 لاکھ 80 ہزار روپے جیتے ہیں۔ مزید ایک چمکتی ہوئی گاڑی بھی جیت ہیں۔ سلمان خان نے رقم کا چیک اور کار کی چابیاں اور بگ باس کی ٹرافی اسٹین کے سپرد کی۔
بتادیں کہ ایم سی اسٹین خود کو بستی کا ہستی کہتے ہیں۔ وہ غریب گھرانے سے تعلق رکھتے ہیں۔ انہوں نے اپنی شناخت ایک ریپر کے طور پر بنائی ہے۔ اس کے والد پولیس میں ہیں۔ وہ اکثر اپنی گرل فرینڈز کی وجہ سے سرخیوں میں رہتے تھے۔ اسٹین کی گرل فرینڈ کا نام بوبا بتایا جارہا ہے۔ سلمان خان بھی اکثر بوبا کا نام لے کر اسٹین کو چھیڑ تے تھے۔
مزید پڑھیں:
