ممبئی: سارہ علی خان اپنی حالیہ ریلیز ہونے والی فلم 'ذرا ہٹکے ذرا بچکے' کی کامیابی سے خوش ہیں۔ اب انہوں نے اپنی ماں امریتا سنگھ اور بھائی ابراہیم کے ساتھ اپنی فلم یہ دیکھی اور ایک خوشگوار لمحہ گزارا۔ اتوار کو اپنی انسٹاگرام اسٹوری پر سارہ نے اپنی ماں امریتا، بھائی ابراہیم اور مداحوں کی تصویروں کا ایک کولاج شیئر کیا۔ تصویر میں انہیں اپنی ماں اور بھائی کے ساتھ پوز دیتے ہوئے دیکھا جا سکتا ہے۔ تصویر شیئر کرتے ہوئے انہوں نے لکھا کہ ' اتوار سہ پریوار سنیما دیکھ کر گزارا'۔Zara Hatke Zara Bachke
لکشمن اٹیکر کی ہدایتکاری میں بننے والی فلم ذرا ہٹکے ذرا بچکے کی کہانی اندور کے ایک متوسط طبقے کے جوڑے کے ارد گرد گھومتی ہے۔ فلم میں وکی نے کپل نامی ایک یوگا انسٹرکٹر کا کردار ادا کیا ہے اور سارہ نے سومیا کا کردار ادا کیا ہے جو ایک ٹیچر ہے۔
فلم باکس آفس پر اچھا کاروبار کر رہی ہے۔ تجارتی تجزیہ کار ترن آدرش کے مطابق،فلم نے ہندوستانی باکس آفس پر پہلے اور دوسرے دن مجموعی طور پر 12.69 کروڑ روپے کا بزنس کیا ہے۔ اس کے علاوہ فلم نے اتوار کے روز 9 کروڑ روپے کی کمائی کی ہے۔
اس سے قبل وکی نے فلم کے لیے اپنے جوش و خروش کا اظہار کرتے ہوئے کہا تھا کہ 'لکشمن سر اور میڈاک فلمز کے ساتھ کام کرنا ایک خوشگوار تجربہ رہا ہے۔ میں نے فلم کی شوٹنگ میں بہت اچھا وقت گزارا، خاص طور پر سارہ کے ساتھ اور امید ہے کہ شائقین اس فلم کو اتنا ہی پسند کریں گے جیسا کہ ہم نے فلم کو بناتے وقت کیا تھا'۔ وہیں سارہ نے بتایا کہ 'میں ایسی باصلاحیت ٹیم کے ساتھ کام کرنے کا موقع پاکر مشکور ہوں۔ میں یہ جاننے کے لیے بے چین ہوں کہ شائقین کا اس پر کیا ردعمل ہوگا۔
مزید پڑھیں:Zara Hatke Zara Bachke box office : ذرا ہٹکے ذرا بچکے کے پہلے دن کی باکس آفس کمائی
