ممبئی (مہاراشٹر): بالی ووڈ اداکار تشار کپور نے بدھ کے روز اپنے سوشل میڈیا ہینڈل پر اپنی بہن ایکتا کپور کے ساتھ تصاویر شیئر کرتے ہوئے انہیں سالگرہ کی مبارکباد دی۔ یہ پوسٹ شیئر کرتے ہوئے انہوں نے فلم ہرے رام ہرے کرشنا کے مشہور نغمہ کے چند بول لکھے ہیں۔Ektaa Kapoor's birthday
تشار نے کیپشن میں لکھا کہ 'پھولوں کا تاروں کا سب کا کہنا ہے، ایک ہزاروں میں میری بہنا ہے، ساری عمر ہمیں سنگ رہنا ہے،جنم دن مبارک روی کی ممی'۔ یہ گانا بہنوں پر لکھا گیا ہے۔
جیسے ہی اداکار نے پوسٹ شیئر کیا، سوشل میڈیا صارفین نے اپنے تبصروں سے کمنٹ سیکشن کو بھردیا اور ایکتا کپور کو سالگرہ کی مبارکباد دی۔ ایک انسٹاگرام صارف نے تبصرہ کرتے ہوئے لکھا کہ 'تشار کپور، آپ کی بہنا کو سالگرہ مبارک ہو، ایکتا کپور آپ ہمیشہ پیارے اور جادوئی رہو'۔ ایک اور صارف نے تبرہ کرتے ہوئے لکھا کہ 'پیارے بھائی اور بہن کو دعائیں، خدا آپ کو ہمیشہ خوش، صحت مند اور ایک ساتھ رکھے'۔
ایکتا کی پیدائش 7 جون 1975 کو مشہور بالی ووڈ اداکار جیتیندر کے گھر میں ہوئی۔ انہوں نے 17 سال کی عمر میں تفریحی صنعت میں اپنے کریئر کا آغاز کیا۔ سال 1995 کے سیٹ کام ہم پانچ کے بعد انہیں کامیاب ملی۔ اس کے بعد سال 2000 میں ان کا ٹی وی سیریل کیونکہ ساس بھی کبھی بہو تھی سب سے زیادہ کامیاب ہوا۔ انہوں نے کہانی گھر گھر کی، کبھی سوتن کبھی سہیلی، کلش، کسوٹی زندگی کی اور قسم سے جیسے کئی ہٹ شوز کیے۔ ایکتا نے بالی ووڈ اسٹار کنگنا رناوت کی میزبانی میں ایک ریئلٹی شو لاک اپ بھی کیا۔
