ممبئی (مہاراشٹر): انکیتا لوکھنڈے جنہوں نے ٹیلی ویژن سیریل پویترا پرشتہ میں اپنی لاجواب اداکاری سے بے شمار شہرت حاصل کی، اب فلم سواتنتر ویر ساورکر میں اداکار رندیپ ہڈا کے مد مقابل نظر آئیں گی۔ یہ فلم سیاست دان اور کارکن ونائک دامودر ساورکر کی زندگی پر مبنی ہے۔ اس میں امیت سیال بھی اہم کردار میں ہیں۔ Ankita Lokhande in Swatantra Veer Savarkar
ٹی وی انڈسٹری میں اپنی جگہ بنانے کے بعد انکیتا نے ٹائیگر شراف کی باغی 3 اور کنگنا رناوت کی اداکاری والی فلم منیکرنیکا: دی کوئین آف جھانسی جیسی فلموں سے بالی ووڈ میں قدم رکھا۔ اداکار کا کہنا ہے کہ وہ ہمیشہ چیلنجنگ کردار کرنے میں دلچسپی رکھتی ہیں اور فلم کی کہانی ہی نے انہیں فلم میں شامل ہونے کے لیے متاثر کیا ہے۔
- " class="align-text-top noRightClick twitterSection" data="
">
انکیتا کہتی ہیں کہ "مجھے چیلنجنگ اور اہم کردار ادا کرنا پسند ہے جو نہ صرف کہانی کو آگے بڑھاتی ہیں بلکہ سامعین پر بھی اثر چھوڑتی ہیں۔ سواتنتر ویر ساورکر ایک ایسی ہی متاثر کن کہانی ہے جسے سنانے کی ضرورت ہے اور میں اس کے ساتھ وابستہ ہو کر خوش ہوں۔ "
مانسون ویڈنگ سے اپنی شروعات کرنے والے رندیپ کو ونس اپان اے ٹائم ان ممبئی، صاحب بیوی اور گینگسٹر، رنگ رسیا، جسم 2 اور بہت سی فلموں سے کافی مقبولیت ملی۔ سواتنتر ویر ساورکر کے ساتھ وہ بطور ہدایت کار ڈیبیو کر رہے ہیں اور فلم میں اہم رول بھی ادا کریں گے۔
سواتنتر ویر ساورکر کا تصور سندیپ سنگھ نے کیا ہے، اور اسے اتکرش نیتانی اور رندیپ ہڈا نے لکھا ہے۔ اس فلم کو آنند پنڈت موشن پکچرز اور لیجنڈ اسٹوڈیوز، پروڈیوسرز آنند پنڈت، سندیپ سنگھ اور سام خان نے پروڈیوس کیا ہے۔ یہ 26 مئی 2023 کو ریلیز ہونے کے لیے تیار ہے۔
