ممبئی: بالی ووڈ اداکار کارتک آرین نے پنجاب کے جالندھر میں اپنے ساتھی اداکاروں کے ساتھ لوہڑی کا تہوار منایا۔ اداکار نے بھنگڑا اور ڈھول کے ساتھ تہوار کا جشن منایا۔ پانچ دریاؤں کی سرزمین میں یہ کارتک کی پہلی لوہڑی ہے۔ سوشل میڈیا پر اداکار نے 'شہزادہ' کاسٹ کے ساتھ اپنی ایک ویڈیو شیئر کی۔ اس ویڈیو میں وہ کریتی سینن کے ساتھ رقص کرتے نظر آرہے ہیں۔Kartik Aaryan in Punjab
- " class="align-text-top noRightClick twitterSection" data="
">
اس ویڈیو میں دونوں اداکار کو پھولکاری دوپٹہ میں دیکھا جاسکتا ہے۔ ویڈیو کو شیئر کرتے ہوئے لکھا کہ 'شہزادہ کی طرف سے لوہڑی کی مبارکباد۔ پنجاب میں میرا پہلا لوہڑی کا تہوار'۔ واضح رہے کہ جمعرت کے روز ہی فلم شہزادہ کا ٹریلر ریلیز کیا گیا ہے۔ ممبئی میں ٹریلر لانچ کرنے کے بعد اب فلم کی پوری کاسٹ اور عملہ شہزادہ کی تشہیر کے لیے ممبئی سے جالندھر روانہ ہوا ہے۔ جس کے بعد فلم کی ٹیم کچھ جائے گی جہاں وہ اپنے فلم کی تشہیر کریں گے۔ دراصل اداکار نے اپنے ہوائی سفر کی ایک ویڈیو انسٹاگرام اسٹوری پر شیئر کی ہے۔ جس میں انہوں نے لکھا کہ وہ ممبئی سے جالندھر اور پھر کچھ جائیں گے۔
'شہزادہ' ایک ایکشن ڈرامہ ہے جس کے ہدایت کار روہت دھون ہیں۔ فلم میں کریتی سینن، پریش راول، منیشا کوئرالا، رونیت رائے اور سچن کھیڈیکر کے ساتھ کارتک آرین مرکزی کردار میں ہیں۔ یہ 2020 کی تیلگو فلم 'الا ویکنتھا پورمولو' کا ریمیک ہے۔ 'شہزادہ' کے علاوہ، کارتک کے پاس'ستیہ پریم کی کتھا' ہے، جو رواں سال ہی ریلیز ہوگی۔ اس فلم میں ان کے ساتھ کیارا اڈوانی بھی ہوں گی۔ وہیں وہ عاشقی 3، ہیرا پھیری 3 اور مشہور ہدایتکار ہنسل مہتا کی فلم کیپٹن انڈیا میں بھی نظر آئیں گے۔ وہیں کارتک کبیر خان کی فلم میں نظر آنے والے ہیں لیکن ابھی تک ان کی فلم کے نام کا اعلان نہیں ہوا ہے۔
