ممبئی: بالی ووڈ کے سپر اسٹار شاہ رخ خان نے ایک بار پھر فلم انڈسٹری میں واپسی کی ہے۔ شاہ رخ نے سال 2023 میں تین ہٹ فلمیں (پٹھان، جوان اور ڈنکی) دیں اور ایک سال میں سب سے زیادہ کمائی (2500 کروڑ روپے سے زیادہ) کرنے کا ریکارڈ اپنے نام کیا۔ وہیں، حال ہی میں شاہ رخ خان کو ایک تقریب میں دیکھا گیا۔ یہاں 'کنگ خان' کو انڈین آف دی ایئر 2023 کا ایوارڈ دیا گیا۔ سال 2023 شاہ رخ خان کے لیے کامیابی اور بالی ووڈ میں ان کی واپسی کا سال تھا۔ ساتھ ہی اس تقریب میں ساؤتھ فلم انڈسٹری کے تجربہ کار ڈائریکٹر منی رتنم بھی موجود تھے۔ جہاں موقع ملتے ہی شاہ رخ خان نے ان سے فلم کا مطالبہ کیا۔ اس پر تجربہ کار ڈائریکٹر نے سپر اسٹار کے سامنے بڑی شرط رکھ دی۔
- شاہ رخ خان نے فلم میں کام مانگ لیا:
تقریب میں جب شاہ رخ خان سے منی رتنم کے ساتھ فلم کرنے کے بارے میں پوچھا گیا تو 'کنگ خان' نے جواب دیتے ہوئے کہا کہ اب یہ سب کھل کر سامنے آ گیا ہے، میں آپ سے درخواست کر رہا ہوں، میں آپ سے درخواست کر رہا ہوں۔ میرے ساتھ فلم کرنے کے لیے۔ انھوں نے مزید کہا کہ، میں قسم کھاتا ہوں، اگر آپ چاہیں تو اس بار میں 'چھئیاں چھئیاں' پر ہوائی جہاز کے اوپر ڈانس کروں گا۔
- ڈائریکٹر نے کیا شرط رکھی؟
اس کے بعد شاہ رخ نے یہ بھی کہا، ' گڈ ایوننگ سوہاسنی (منی رتنم کی بیوی)، میں نے آپ کو اس وقت کہا تھا کہ سونے سے پہلے اسے 'شاہ رخ شاہ رخ' کہہ کر پکارو۔ جب منی رتنم سے پوچھا گیا کہ وہ شاہ رخ کو اپنی فلم میں کب کاسٹ کریں گے تو انہوں نے بہت ہی منہ توڑ جواب دیا۔ انھوں نے کہا، 'جب وہ ہوائی جہاز خریدے گیں۔۔۔ تب میں یہ کروں گا'۔ تقریب میں شاہ رخ اور منی رتنم کے اس شاندار انداز نے سماں باندھ دیا۔
یہ بھی پڑھیں:بالی ووڈ: شاہ رخ خان 2023 کے باکس آفس کے بادشاہ بنے
آپ کو بتا دیں، شاہ رخ خان نے منی رتنم کے ساتھ فلم 'دل سے' میں کام کیا تھا۔ 1998 میں ریلیز ہونے والی فلم کا گانا چھئیاں چھئیاں آج بھی سپرہٹ ہے۔ ساتھ ہی اس ایونٹ سے یہ بات سامنے آئی ہے کہ ہدایت کار منی رتنم 35 سال بعد ساؤتھ کے سپر اسٹار کمل ہاسن کے ساتھ کام کریں گے۔
