حیدرآباد: رنبیر کپور کی فلم شمشیرا نے آتے ہی لوگوں میں تہلکہ مچادیا ہے۔ اس فلم کو دیکھنے کے لیے رنبیر کے مداحوں میں بے چینی نظر آرہی ہے۔ حال ہی میں فلم کا پہلا پوسٹر اور پھر ٹیزر ریلیز کیا گیا۔ اب فلم سے سنجے دت کا کردار بھی سامنے آگیا ہے۔ Sanjay Dutt as Daroga Shudh Singh
فلم کا ایک پوسٹر جاری کیا گیا ہے، جس میں سنجے دت کا کردار سامنے آیا ہے۔ فلم میں سنجے دت کے کردار کا نام دروغہ شدھ سنگھ ہے۔ اس سے قبل 1.21 منٹ کے ٹیزر ریلیز کیا تھا جس کی شروعات سنجے دت کے زبردست کردار سے ہوتی ہے ہے۔ اس کے اگلے ہی لمحےمیں رنبیر کپور کو دکھایا جاتا ہے جس میں وہ اپنے دشمن سنجے دت کا مقابلہ کرتے ہوئے نظر آتے ہیں۔ Shamshera Second Poster
ٹیزر کو دیکھ کر لگ رہا ہے کہ رنبیر کپور 'شمشیرا' کے کردار میں اپنے قبیلے کو ظلم و تشدد سے بچانے کی کوشش کر رہے ہیں۔ ٹیزر کے آخر میں بتایا گیا ہے کہ یہ فلم 24 جون کو ریلیز ہوگی۔
اس سے قبل فلم کا پہلا پوسٹر رنبیر کپور کی اہلیہ عالیہ بھٹ اور اداکار سنجے دت نے بھی شیئر کیا تھا۔ پوسٹر میں رنبیر کے لک سے واضح ہورہا ہے کہ انہوں نے اس فلم کے لیے کافی تیاری کی ہے۔ اس کے علاوہ فلم 'برہمسترا' کے ٹریلر میں بھی رنبیر کپور کا زبردست کردار نظر آیا۔
- " class="align-text-top noRightClick twitterSection" data="
">
لاک ڈاؤن کی وجہ سے ریلیز میں ہوئی تاخیر
آپ کو بتا دیں رنبیر کپور چار سال بعد فلموں میں واپس کر رہے ہیں۔ اس سال ان کی فلم 'برہمسترا' (9 ستمبر 2022) بھی ریلیز ہونے والی ہے، تاہم اس سے قبل رنبیر کپور فلم 'شمشیرا' کے شاندار کردار میں نظر آئیں گے، جو رواں سال 22 جولائی کو ریلیز ہو رہی ہے۔ اب شائقین رنبیر کی دونوں فلموں کا بے صبری سے انتظار کر رہے ہیں۔
واضح رہے کہ اس سے پہلے رنبیر کپور فلم ’سنجو‘ میں نظر آئے تھے۔ یہ فلم اداکار سنجے دت کی بائیوپک تھی جس نے باکس آفس پر غضب کی کمائی کی تھی۔ وہیں اس فلم شمشیرا میں رنبیر اور سنجے ایک دوسرے کے آمنے سامنے نظر آنے والے ہیں۔ فلم 'شمشرا' کی ہدایتکاری کرن ملہوترا نے کی ہے، جنہوں نے ریتک روشن اور سنجے دت کی فلم 'اگنی پتھ' کی ہدایت کاری کی تھی۔ فلم میں رنبیر کپور کے مقابل خوبصورت اداکارہ وانی کپور نظر آئیں گی۔
