نئی دہلی: بالی ووڈ اداکار رتیش دیش مکھ نے بدھ کے روز بطور ہدایت کار اپنی آئندہ مراٹھی فلم 'وید' کا پہلا لک اپنے انسٹاگرام اکاؤنٹ پر شیئر کردیا ہے۔ رتیش نے فلم کا پوسٹر شیئر کرتے ہوئے لکھا کہ 'دیوالی کے مبارک دن پر میں اپنی ڈائریکٹوریل مراٹھی فلم کا پہلا لک شیئر کرتے ہوئے پرجوش اور مسرت محسوس کر رہا ہوں۔ آپ کی دعاؤں کی ضرورت ہے'۔ اس کے علاوہ اداکار نے 'وید30' ہیش ٹیگ کا استعمال کرتے ہوئے وید کی ریلیز تاریخ بھی بتائی ہے۔ یہ فلم 30 دسمبر کو ریلیز ہونے والی ہے۔Riteish Deshmukh Ved First Look
'ہاؤس فل' اداکار نے اپنی اگلی فلم کا ایک اور پوسٹر شیئر کیا جس میں وہ اپنی اہلیہ و اداکار جینیلیا ڈی سوزا کے ساتھ شاندار انداز میں نظر آرہے ہیں۔ پوسٹر کے سامنے آنے کے بعد مداحوں کی جانب سے اداکار کو مبارکباد ملنے کا سلسلہ شروع ہوگیا۔ ایک مداح نے تبصرہ کرتے ہوئے لکھا کہ ' رتیش اور جینیلیا آپ دونوں ایک ساتھ نظر آنے والے ہیں، وید کے لیے آپ کو بہت بہت مبارکباد'۔
رتیش کی ہدایت کاری میں بننے والی یہ مراٹھی فلم 30 دسمبر کو سینما گھروں میں نمائش کے لیے تیار ہے۔رواں برس جولائی میں 'گرینڈ مستی' اداکار نے اپنی فلم کی تکمیل کا اعلان کرتے ہوئے یہ بھی جانکاری دی تھی کہ بطور ہدایتکار ان کی پہلی فلم میں سلمان خان بھی ایک متخصر کردار ادا کرتے نظر آئیں گے۔ وہیں رتیش اور جینیلیا پہلی بار ایک ساتھ کسی مراٹھی فلم میں نظر آنے والے ہیں۔
واضح رہے کہ رتیش کو حال ہی میں تمنا بھاٹیہ کے ساتھ ایک رومانٹک کامیڈی فلم 'پلان اے پلان بی' میں دیکھا گیا تھا۔ شاشانک گھوش کی ہدایتکاری میں بننے والی اس فلم کا پریمیئر خصوصی طور پر نیٹ فلکس پر ہوا اور فلم کو ناظرین کی جانب سے مثبت ردعمل حاصل ہوا ہے۔ اس کے علاوہ رتیش، سوناکشی سنہا اور ثاقب سلیم کے ساتھ آنے والی ہارر کامیڈی فلم 'کاکوڈا' میں بھی نظر آئیں گے۔ ان کے پاس جنیلیا ڈیسوزا کے ساتھ 'مسٹر ممی' ایک کامیڈی فلم اور جان ابراہم، نورا فتحی اور شہناز گل کے ساتھ '100%' بھی ہے۔
مزید پڑھیں: Madhuri Dances on Kacha Badam: مادھوری دکشت رتیش کے ساتھ وائرل گانا' کچا بادام' پر تھرکتے نظر آئیں
