فرحان اختر اور رتیش سدھوانی نے فلم فکرے کی کاسٹ کی واپسی کا اعلان کیا ہے لیکن ایسا لگتا ہے کہ اداکار علی فضل مشہور کامیڈی فلم کے تیسری قسط کا حصہ نہیں ہوں گے۔ فلم فکرے 3 کے نئے پوسٹرز میں ریچا چڈھا، ورون شرما، منوج سنگھ، پلکیت سمراٹ اور پنکج ترپاٹھی نظر آرہے ہیں لیکن علی فضل نہیں۔Fukrey 3 Poster
- " class="align-text-top noRightClick twitterSection" data="
">
منگل کو فلم کے دو نئے پوسٹرز شیئر کرتے ہوئے فرحان اختر نے ٹویٹر پر لکھا کہ ' اس بار ہوگا چمتکار، سیدھے جمنا پار سے'۔ فکرے 3 جلد ہی 7 ستمبر 2023 کو سنیماگھروں میں آرہی ہے'۔ یہ فلم 7 ستمبر کو جنم اشٹمی کے موقع پر ریلیز ہونے والی ہے۔ اسے مرگھدیپ سنگھ لامبا ڈائریکٹ کر رہے ہیں۔ شیئر کیے گئے پہلے پوسٹر میں ریچا کو سابق گینگسٹر بھولی پنجابن کے روپ میں دکھایا گیا ہے، جو گنے سے بنے تخت پر بیٹھی ہیں۔ فلم میں چوچا کا کردار ادا کرنے والے ورون شرما ان کے قدموں پر پڑے نظر آرہے ہیں۔ پنکج ترپاٹھی اور پلکیت سمراٹ ریچا کے دونوں طرف بیٹھے ہوئے ہیں جبکہ لالی کا کردار ادا کرنے والے منجوت سنگھ تخت کے پیچھے کھڑے نظر آرہے ہیں۔ فلم فرنچائز میں پنکج ترپاٹھی پنڈت جی اور پلکیت سمراٹ ہنی کا کردار ادا کر رہے ہیں۔
فلم کے دوسرے پوسٹر میں تمام مرد اداکار نظر آرہے ہیں جو ایک انسانی پرامڈ بناتے نظر آرہے ہیں تاکہ اینٹوں کی جھکی ہوئی دیوار پر چڑھ سکیں۔ فلم کے پوسٹر پر لکھا ہے ' ایک نیا چمتکار فرام جمناپار'۔
ہدایتکار مرگھدیپ سنگھ لامبا نے گزشتہ سال جون میں فکرے 3 کی شوٹنگ مکمل کرنے کی تصدیق کی تھی۔ ایک کیک کی تصویر انسٹاگرام پر شیئر کرتے ہوئے انہوں نے کیشپن میں لکھا تھا کہ ' یہ ایک فکرے 3 کی شوٹنگ مکمل کرنے کی خوشی میں، شکریہ فکرے 3 کی ٹیم تم لوگ بہت اچھے تھے۔ آپ میں سے ہر ایک یقینی طور پر شوٹ کے پاگل پن دنون کو یاد کریں گے۔ الوداع'۔
