پرینکا چوپڑا نے حال ہی میں اپنے شوہر نک جونس اور اپنی بیٹی کی کئی پیاری تصاویر شیئر کی تھیں۔ اب اداکارہ نے بدھ کے روز اپنی بیٹی مالتی میری چوپڑا جونس کی ایک اور تصویر شیئر کی ہے۔ انسٹاگرام اسٹوریز پر شیئر کی گئی اس تصویر کو دیکھ کر لگتا ہے کہ اداکارہ اپنی بیٹی کے ساتھ ساحل سمندر کے سیر کے لیے نکلی ہیں۔ اس تصویر میں مالتی ساحل سمندر پر دھوپ کی کرنوں سے لطف اندوز ہوتی نظر آرہی ہیں۔ اس تصویر کے کیپشن میں پرینکا نے لکھا ہے کہ 'اس طرح کی دوپہر'۔ مالتی سفید اور نیلے رنگ کی ہوڈی سیٹ پہنے پیاری نظر آرہی ہیں۔ Pc Shares Daughter Sun Kissed Pic
- " class="align-text-top noRightClick twitterSection" data="
">
اس پیاری تصویر میں مالتی میری چوپڑا جونس ساحل سمندر پر بیٹھی سورج کی طرف دیکھ رہی ہیں۔ وہیں پرینکا نے بھی مالتی کے ساتھ سیر پر باہر نکلنے سے پہلے اپنی ایک تصویر شیئر کی تھی۔ انسٹاگرام اسٹوریز پر شیئر کی گئی اس تصویر میں پرینکا مرر سیفلی کے لیے پوز دیتی نظر آرہی ہیں۔اس سے قبل پرینکا نے مالتی کے ساتھ کیلیفورنیا کے مالیبو میں نک جونس اور بیٹی کے ساتھ لی گئی تصاویر شیئر کی تھی۔ ان میں سے ایک تصویر میں پرینکا اپنی گود میں مالتی کو اٹھائے نک کے ساتھ کیمرے کے لیے مکسراتی ہوئی نظر آرہی ہیں۔ دوسری تصویر میں پرینکا اور مالتی سمندر کی طرف دیکھتے ہوئے مسکراتی نظر آرہی ہیں۔ ہمیشہ کی طرح ان تصاویر میں بھی پرینکا نے اپنی بیٹی کے چہرے کو سفید دل والے ایموجی سے چھپایا ہے۔
حال ہی میں پرینکا نے اپنی بیٹی کے ساتھ مشہور میگزین ووگ کے ساتھ ایک فوٹو شوٹ کروایا تھا، جس کی تصویر انہوں نے اپنے انسٹاگرام پر شیئر کی تھی۔ پرینکا نے میگزین کے ساتھ ایک انٹرویو میں مالتی کے آنے سے ان کی زندگی میں آئی تبدیلیوں کے بارے میں بھی بات کی اور ساتھ ہی انہوں نے بیٹی کی پیدائش کے لیے سروگیسی کا انتخاب کرنے کی وجہ بھی بتائی۔ پرینکا نے کہا کہ ' 20 سال ہوچکے ہیں اور میں بہت کام کر رہی ہیں۔ میں ہمیشہ سے ایسا ہی کرتی رہی ہوں، میں ہمیشہ سوچتی تھی کہ اب مجھے آگے کیا کرنا ہے۔۔ لیکن اب مجھے لگتا ہے کہ میرے پاس ایک مرکز ہے، سکون کا احساس ہے کیونکہ میرا ہر فیصلہ اس کے بارے میں ہوتا ہے'۔ پرینکا نے مزید کہا کہ وہ بھی اپنی بیٹی کو ہمیشہ قریب رکھتی ہیں۔آنکھ کھلتے ہی اس کا چہرہ دیکھنے سے زیادہ اطمینان بخش کوئی چیز نہیں ہے'۔
