کوریوگرافر گنیش اچاریہ کا شمار بالی ووڈ کے تجربہ کار ڈانسر اور کوریوگرافر کے طور پر ہوتا ہے۔ گنیش پر اداکارہ تنوشری دتہ سمیت کئی بیک گراؤنڈ ڈانسر اور اسسٹنٹ ڈانسر کی جانب سے پہلے بھی کئی بار جنسی ہراسانی کا الزام لگایا جاچکا ہے۔ وہیں سال 2020 میں ایک کو ڈانسر نے کوریوگرافر کے خلاف جنسی ہراسانی، تعاقب اور جاسوسی کا الزام لگایا تھا، اسی معاملے میں آج اوشیوارا پولیس نے چارج شیٹ داخل کردی ہے۔ Chargesheet Filed Against Choreographer Ganesh Acharya
ممبئی پولیس نے میٹروپولیٹن مجسٹریٹ کورٹ میں کوریوگرافر کے خلاف چارج شیٹ داخل کرلی ہے۔ اس کیس کی چھان بین ممبئی کی اوشیوارا پولیس کر رہی ہے۔ اس معاملے میں پولیس نے کوریوگرافر اور اس کے اسسٹنٹ کے خلاف کئی دفعات کے تحت کیس درج کیا ہے۔ کوریوگرافر کے اسسٹنٹ نے بتایا کہ انہیں چارج شیٹ کے بارے میں مطلع کیا گیا تھا۔
خاتون ڈانسر کے مطابق جب انہوں نے سال 2020 میں ایک میٹنگ میں گنیش اچاریہ کی حرکتوں کی مخالفت کی تو کوریوگرافر نے مبینہ طور پر ان کے ساتھ بدتمیزی کی۔ اسی دوران کوریوگرافر کے اسسٹنٹ نے خاتون ڈانسر کے ساتھ مارپیٹ بھی کی۔ خاتون ڈانسر کا کہنا تھا کہ 'خاتون اسسٹنٹ نے میرے لیے نازیبا الفاظ کا استعمال کیا اور بدنام کرنے کے لیے میرے ساتھ مارپیٹ بھی کی، میں دونوں کی شکایت لے کر تھانے پہنچی، لیکن پولیس نے شکایت درج کرنے سے انکار کردیا، تاہم میں نے وکیل کی مدد سے یہ مقدمہ درج کرایا'۔
واضح رہے کہ جب 2020 میں گنیش اچاریہ کے خلاف جنسی ہراسانی کا الزام لگایا گیا تھا تب کوریوگرافر نے ان الزام کی تردید کرتے ہوئے اس موضوع پر بولنے سے انکار کردیا تھا۔
گنیش اچاریہ ہندوستانی سنیما کے معروف کوریوگرافر ہیں۔ حال ہی میں، وہ ساؤتھ فلم 'پشپا-دی رائز-پارٹ-1' میں سپر ہٹ گانے 'اون انتاوا' کی کوریوگرافی بھی کی ہے۔ اس کے بعد انہوں نے اکشے کمار اسٹار فلم 'بچن پانڈے' کے ٹائٹل گانے 'بچن پانڈے' کی کوریوگرافی بھی کی۔
- مزید پڑھیں: Randhir Kapoor on Ranbir's Dementia Statement: رنبیر کپور کے ڈیمینشیا والے بیان پر رندھیر کا ردعمل
واضح رہے کہ تنوشری دتہ نے بھی کوریوگرافر کے خلاف جنسی ہراسانی کا الزام لگایا تھا اور بالی ووڈ انڈسٹری سے کورویوگرافر گنیش اچاریہ کا بائیکاٹ کرنے کا مطالبہ بھی کیا تھا۔
