Pankaj Tripathi on Mirzapur 3: پنکج ترپاتھی قالین بھیا کے کردار میں ڈھلنے کے لیے پرجوش

پنکچ ترپاٹھی اپنی مقبول ترین پرائم ویڈیو ویب سیریز مرزا پور کے سیزن 3 کی شوٹنگ شروع کرنے کے لیے بالکل تیار ہیں۔ اس شو میں مافیا اکھنڈانند قالین کا کردار ادا کرنے والے ترپاٹھی کا کہنا ہے کہ 'وہ اس کردار کو ادا کرتے ہوئے لطف محسوس کرتے ہیں کیونکہ اس کردار سے انہیں طاقت کا احساس ہوتا ہے'۔ Pankaj Tripathi on Mirzapur 3

ممبئی (مہاراشٹر): اداکار پنکج ترپاٹھی کا کہنا ہے کہ وہ اپنی مقبول پرائم ویڈیو سیریز مرزا پور کے سیزن 3 کی شوٹنگ شروع کرنے کے منتظر ہیں، جس میں وہ مداحوں کے پسندیدہ کردار ڈان قالین بھیا کا کردار ادا کرتے ہیں۔ایکسل انٹرٹینمنٹ کے بینر تلے رتیش سدھوانی اور فرحان اختر کے ذریعہ پروڈیوس کردہ مرزا پور 2018 میں ریلیز ہونے کے بعد سے بھارت کی سب سے پسندیدہ ویب سیریز میں سے ایک ہے۔ اس کا دوسرا سیزن 2020 میں ہندوستان میں سب سے زیادہ دیکھے جانے والے شوز میں سے ایک تھا۔ Pankaj Tripathi on Mirzapur 3

شو میں خطرناک مافیا اکھنڈانند قالین بھیا کا کردار ادا کرنے والے ترپاٹھی کا کہنا ہے کہ 'وہ اس شو کے ذریعہ طاقت حاصل کرنے کی بھوک کو مٹاتے ہیں۔' میں جانتا ہوں کہ سیریز کے لیے مداحوں میں کافی جوش ہے۔ میں کل کاسٹیوم ٹرائل کروں گا اور ایک ہفتے کے اندر ہم شوٹنگ شروع کر دیں گے۔ میں اب پوری اسکرپٹ بھی سنوں گا، میں دوبارہ قالین بھیا بننے کے لیے بہت پرجوش ہوں'۔

اداکار نے مزید بتایا کہ ' قالین بھیا کا کردار ادا کرنے میں اور شو میں یہ کام کرنے میں بہت مزہ آتا ہے۔ دراصل میں حقیقی زندگی میں پاورلیس آدمی ہوں، اس لیے مجھے قالین بھیا کے ذریعہ طاقت کا احساس ہوتا ہے۔ طاقت کی بھوک جو ہر کسی میں ہوتی ہے، وہ مجھ میں مرزا پور کے ذریعہ پوری ہوتی ہے'۔

مرزا پور کے سیزن 3 کی شوٹنگ شروع کرنے سے پہلے ترپاٹھی فلمساز سریجیت مکھرجی کی فلم شیر دل: دی پیلی بھت ساگا میں نظر آنے والے ہیں۔ شیردل اور مرزا پور میں اپنے کرداروں کے بارے میں بات کرتے ہوئے ترپاٹھی نے کہا کہ 'یہ دونوں ایک دوسرے سے بہت مختلف ہیں۔ قالین بھیا طاقتور ہیں، لیکن گنگا رام پاور لیس ہے۔ وہ دو بالکل مختلف لوگ ہیں۔ آپ گنگارام کو نہیں دیکھ پائیں گے اور قالین بھیا کو نظر انداز نہیں کر سکتے'۔