ممبئی: ہر والد کی طرح تجربہ کار ہدایتکار مہیش بھٹ بھی اپنی بیٹی عالیہ بھٹ کی شادی کے وقت جذباتی ہوگئے۔ عالیہ کی بڑی بہن پوجا بھٹ کی جانب سے شیئر کی گئی ایک نئی تصویر میں مہیش بھٹ عالیہ اور رنبیر کی شادی کے بعد اپنے داماد رنبیر کپور کو پیار سے گلے لگاتے ہوئے نظر آرہے ہیں۔ آئن لائن وائرل ہوئی رنبیر اور مہیش کی یہ تصاویر لوگوں کے دلوں کو چھو رہی ہیں۔ Ranbir and Mahesh Bhatt's Pictures۔ ہفتے کے روز پوجا نے انسٹاگرام پر شادی کے بعد رنبیر اور اپنے والد کے درمیان دل کو چھو لینے والے لمحے کو شیئر کیا۔ تصویریں شیئر کرتے ہوئے پوجا نے لکھا، "جب دل سے سننے اور بولنے کی صلاحیت ہو تو کس کو الفاظ کی ضرورت ہے؟"
یہ تصاویر پہلے ہی انٹرنیٹ پر وائرل ہو چکی ہیں، جسے دیکھ کر مداح جذباتی ہورہے ہیں۔ واضح رہے کہ مہیش بھٹ کی دوسری بیوی سونی رازدان سے دو بیٹیاں ہیں، جن کا نام عالیہ بھٹ اور شاہیں بھٹ ہیں۔ 14 اپریل کو عالیہ بھٹ نے قریبی دوستوں اور رشتہ دار کی موجودگی میں برفی فلم کے اداکار رنبیر کپور سے شادی کی ہے۔
جہاں مداح اب بھی رنبیر اور عالیہ کی شادی کی تصویروں سے ابھر نہیں پائے ہیں وہیں ایک اور نئی فیملی تصویر نے سوشل میڈیا پر تہلکہ مچادیا ہے۔ عالیہ کی والدہ سونی رازدان کی طرف سے شیئر کی گئی تصویر میں عالیہ اپنے مائیکے اور سسرال والوں کے ساتھ کمیرے کے لیے مسکراتے ہوئے نظر آرہی ہیں۔ ان تصویر میں عالیہ کے والدہ سونی رازدان، والد مہیش بھٹ اور بہن شاہین بھٹ کے علاوہ رنبیر کی والدہ نیتو کپور، بہن ردھیما کپور ساہنی اور بہنوئی بھرت ساہنی بھی نظر آرہے ہیں۔
